الرئيسية
مدونه
اليوم حبيت أحضر لكم طبق ( ما حصلش ) وهو طبق الشكشووكة .. ( يا زينه زيناه )
==========================
المقادير
1/ بيض ,,كل نفر له 3 بيضات . على حسب الأنفار اللي عندك وحسب العزيمة (( أول مرة أشوف عزيمة فيها شكشوكة )) .
2/ بصـل.. (( ويجب تقطيعه إرباً إرباً )) وياليت تلبسون قفازات علشاان الريحة ماتمسك باليد
<<<<
3/ الطماط .. ويفضل تقطيعه قطع صغيرة
4/ زيت .. يمدحون زيت عاافية
5/ ملح .. (( اللي معه ضغط لا يحط ملح )) تعرفون الملح يرفع الضغط
6/ تاوة قِـلاء ... (( اللي نحط فيها البيض )) لازم تكون نظيفة .
7/ ملعقــة ... وتفيدنا في خلط البيض مع بعض ..
8/ صحن تقديم
9/ خبز ... ويمدحون التميس .. وإذا ما توفر نجيب تماتيك
===========
طريقة التحضير
** يتم إحضار ( سحلة ) وهناك ناس يسمونها (( غضارة )) ,, ونجيب البيض ونفقشه فيه حبة حبة .. (( لازم نفقش البيض بالملعقة )) ونسكب ماء البيض في هذه السحلة على حسب العدد
وبعدها نحرك البيض بـ( الملعقة ) ونضيف معها الملح ( حسب الرغبة )
** نروح ألحين للتاوة .. وأول شي نسويه نشب الفرن (( وذلك بإشعال عود الثقاب , أي الكبريت ثم بعد ذلك نفتح الغااز من الفرن (((((( متعلمتها في مادة العلوم )))))
وبعده نصب في التاوة شووي زيت ونخليها تسخن على الفرن .. وبعدها نحط البصل ونحمسه نحمسه إلين يتغير لونه .. وبعد ذلك نضيف الطماط .. ونحوسه مع البصل حتى ( إشعار آخر )
وفي الخطوة قبل الأخيرة ... نجيب البيض ونصبه على التاوة (( طبعاً حارة لأنها مسخنة من النار تحتها ))) << ماجبت جديد
وبعدها نحرك البض ونحركه ونحركه ... ونحركه ونحركه حتى يتجمد (( البيض يتجمد بالحرارة ))
وبعد ذلك .. نطفئ الفرن .. ونشيل التاوة من العين ونحرك البيض ونحطه في الصحن ...
وبكذا تكون أكلة هنية
بالهناء والشفـاء ... أتمنى لكم أكلة عواافي وشاي داافي
